default post image

स्वाभिमान लघुवित्तले ३४ प्रतिशत लाभांश वितरण गर्ने, नगद र बोनस कति?

स्वाभिमान लघुवित्त (SMFBS) ले गत आर्थिक वर्षको कमाइबाट शेयरधनीहरुलाई वितरण गर्ने लाभांश घोषणा गरेको छ।

लघुवित्तको असोज १७ गते आइतबार बसेको सञ्चालक समितिको बैठकले शेयरधनीहरुलाई चुक्ता पूँजीको ३२.३० प्रतिशत बोनस शेयर र कर प्रयोजनको लागि १.७० प्रतिशत नगद वितरण गर्ने घोषणा गरेको हो। यसरी लघुवित्तले नगद र बोनस गरी कुल ३४ प्रतिशत लाभांश वितरण गर्ने घोषणा गरेको छ।

प्रस्तावित लाभांश नेपाल राष्ट्र बैंकको स्वीकृति र लघुवित्तको आगामी साधारणसभाले पारित गरेपछि शेयरधनीहरुले पाउने छन्।

 

 

default post image

स्वाभिमान लघुवित्तको कम्पनी विश्लेषण

यस साताको फ्लोरसिट विश्लेषणका आधारमा मोस्ट पपुलर बाइ स्टकको सूचीमा परेका कम्पनीहरुमध्ये एक कम्पनी हो, स्वाभिमान लघुवित्त वित्तीय संस्था लिमिटेड (SMFBS)।

लघुवित्तले गत आर्थिक वर्षको अन्त्यसम्ममा ५ करोड ५९ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा १५५.३१ प्रतिशत बढी हो।

खुद ब्याज आम्दानी र सञ्चालन मुनाफा बढेसँगै खराब कर्जा उठाउन सफल भएका कारण लघुवित्तको खुद नाफामा उल्लेख्य सुधार देखिएको हो।

समीक्षा अवधिमा लघुवित्तको खुद ब्याज आम्दानी ५५.४३ प्रतिशत बढेको छ भने अन्य सञ्चालन आम्दानी ४३.२८ प्रतिशत बढेको छ। सो अवधिमा लघुवित्तको सञ्चालन मुनाफा ८९.१९ प्रतिशत बढेको छ। सो अवधिसम्ममा लघुवित्तले सम्भावित जोखिम बापतको व्यवस्थामा ३ करोड ८ लाख रुपैयाँ छुट्याएको छ भने ३ करोड ९७ लाख रुपैयाँ खराब कर्जा उठाएको छ।

अघिल्लो आर्थिक वर्षको तुलनामा गत आर्थिक वर्षमा लघुवित्तको जगेडा कोष ४६४.९२ प्रतिशत बढेर ६ करोड ६९ लाख रुपैयाँ पुगेको छ। अघिल्लो आर्थिक वर्षमा लघुवित्तको यस्तो कोषमा १ करोड १८ लाख रुपैयाँ थियो। समीक्षा अवधिमा लघुवित्तको सापटी ६७.६३ प्रतिशत बढेको छ भने निक्षेप ३८.८७ प्रतिशत र कर्जा लगानी ४७.१६ प्रतिशत बढेको छ।

नाफा बढेसँगै लघुवित्तको प्रतिशेयर आम्दानी पनि उल्लेख्य सुधार भएको छ। सो अवधिमा लघुवित्तको यस्तो आम्दानी ३६ रुपैयाँ ९४ पैसा बढेर ६० रुपैयाँ ७३ पैसा पुगेको छ। लघुवित्तको प्रतिशेयर नेटवर्थ १७२ रुपैयाँ ७२ पैसा रहेको छ। गत बिहीबारको अन्तिम मूल्यका आधारमा लघुवित्तको मूल्य आम्दानी अनुपात ४१.६६ गुणा रहेको छ।

गत बिहीबार लघुवित्तको आरएसआई ४६.७५ स्केल अर्थात न्यूट्रल जोनमा रहेको छ। यसले बजारमा लघुवित्तको शेयर खरिदबिक्री चाप सन्तुलनमा रहेको संकेत गर्दछ। प्राविधिक विश्लेषणका अधिकांश उपकरणहरुमा लघुवित्तको शेयरमूल्य अहिले बियरिश देखिएको छ।

यस साता लघुवित्तको शेयरमूल्य १० रुपैयाँ घटेको छ। गत साता २५४० रुपैयाँमा भएको अन्तिम कारोबार यस साता २५३० रुपैयाँमा भएको छ। यस अनुसार आगामी साता लघुवित्तको शेयरमूल्य उकालो लागेमा २७०० रुपैयाँमा प्रतिरोध पाउने देखिन्छ। त्यसैगरी, ओरालो लागेमा भने २४०० रुपैयाँमा टेवा पाउने देखिन्छ।

लघुवित्तको ५ दिने इएमए २० दिने इएमएभन्दा तल रहेको छ। यसले लघुवित्तको शेयरमा बाइङ्ग मोमेन्टम कम रहेको संकेत गर्दछ।

शेयरमूल्यसँगै यस साता लघुवित्तको भोल्यूम पनि घटेको छ। यस साता दैनिक औषतमा लघुवित्तको ६३८ कित्ता शेयर खरिदबिक्री भएको छ। लघुवित्तको २० दिने औषत भोल्यूम १ हजार २८४ कित्ता रहेको छ। लघुवित्तको दैनिक औषत भोल्यूमको तुलनामा २० दिने औषत भोल्यूम ४६.८० प्रतिशत कम हो।

हाल लघुवित्तको नेप्सेमा ९ लाख २० हजार ५०० कित्ता शेयर सूचीकृत छ। गत बिहीबार लघुवित्तको शेयर प्रतिकित्ता २५३० रुपैयाँमा अन्तिम कारोबार भएको थियो। यस अनुसार लघुवित्तको कुल बजार पूँजीकरण २ अर्ब ३२ करोड ८८ लाख ६५ हजार रुपैयाँ रहेको छ।

लघुवित्तको १८० दिने औषत मूल्य २५०३ रुपैयाँ ९२ पैसा रहेको छ। त्यसैगरी, लघुवित्तको पछिल्लो ५२ हप्ताको उच्च मूल्य ३११० रुपैयाँ रहेको छ भने न्यून मूल्य ९४० रुपैयाँ रहेको छ।

default post image

स्वाभिमान लघुवित्तको बोनस आइपुग्यो डिम्याट खातामा

काठमाडौं  : स्वाभिमान लघुवित्त वित्तीय संस्थाले २०% बोनस सेयर सम्बन्धित सेयरधनीको डिम्याट खातामा जम्मा गरिदिएको छ । कम्पनीले गत माघ २९ गतेसम्म सेयर डिम्याट गराएकाहरुको बोनस सेयर खातामा पठाइदिएको हो । तर, अहिलेसम्म पनि डिम्याट नगरेकाहरुले खातामा बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । 
 
अनिमात्र बोनस जम्मा गरिने कम्पनीले जनाएको छ । कम्पनीको गत फागुन १३ गते सम्पन्न सभाले गत आर्थिक वर्षको नाफाबाट २०% बोनस सेयर र कर तिर्न १.०५% नगद लाभांश वितरण गर्ने प्रस्ताव पारित गरेको थियो ।